كلمات شكرللاساتذة والمدير

لطرش كمال
سقسيت على لطرش كمال ***قالولي مؤسسة هبال
رحت دقيت الباب***حل عليا سي وهاب
واش من ضحك واش من هدرة***من عندو ديت الخبرة
داني عند سي المدير***ليه كل التقدير
يعرف واش يدير***عليه دعاوي الخير
ومن بعد عند سي يحياوي***لقيت الجمايع والقهاوي
بلا ما ننسى سي النهاري***هذاك فيهم القاري
واش من نصائح واش من ارشادات***عندو نتعشى ونزيد نبات
والأساتذة ما نسيت***بقيمتهم حسيت
نشكرهم ونزيد***ونتمنالهم عمر مديد
نبداو بالفرنسية***عند شهرة وقادة بن صفية
وزيد الانجليزية***عند نعيمة الزواوية
والجملة الفعلية***عند سي الجيلالي في العربية
ونزيدك السبور***عند العام تجري ودور
وفي المات ماكاش المحال***عند سبقاق وسي كمال
وفي الجغرافيا والتاريخ***جوهر تديك للمريخ
واذا هدرت على الفم والبلعوم***يفهمك بن ديدة في العلوم
بلا ما ننسى حمياني***في الفيزياء واه قراني
ويلا حبيت الشمس والقمر***رسمهم عند سي عمر
ربي يخليهم وفي السما يعليهم وبماء زمزم يرويهم
شكر خاص للأساتذة الذين لم أذكر أسمائهم
أتمنى ان ينال اعجابك
حتى لوكان نطلعوا للثانوية كمال لطرش ديما أساسية
من تأليف:مباركي فاطمة الزهراءtoujours vive 4am1

هههههههههههههههههههه

نسيتم المدير

جامي لا ننساو كبيرنا المدير سي احمد

سي يحياوي راه زعفان و باش ترضيه جيبي له براد قهوة و شوية نتاع دهان
اما سي وهاب راه واقف لك فالباب وإذا جبت الكسرة كثري فيها اللباب

انا درت لي عليا وهذاك ماكان غير تمسخير باش يجو نهاية الكلمات مع بعض ويلا على القهوة يستاهلو كل خير وشكرااااا على الرد

الله يهدي ما خلق

علاه رانا نحرقوا في الجوامع

راكم تحرقو في الاساتذة

أنا جد مسرور بكتابتك في منتداكم وأتمنى لك ابني النجاح في ش ت م وكل زملائك
وفقك الله يا ابنت زميل الدراسة

أيها الزائر الكريم من المقصود بهذا الشكر؟؟؟

انه مدير المتوسطة

كلمات ساحرة وعظيمة لا تصدر إلا من عقل فنان وعبقري
نكن لكي كل العرفان والشكر والتحفيز
لاوالله انتي شاعرة عظيمة فاهمة لدرس الخاطرة 1000/100 شكرا على الخاطرة الممتازة
نتمنى لكي النجا وهذه الصورة لكي خاصة
انتي هي الملكة

شكرا جزيلا ياريت كل الأعضاء مثلك في كلامك_ياسين_تحرقو في الأساتذة
على بالي بلي

ربي يوفقكم .... خيك صلوحي

نور المنتدى بوجودكم أيها الزائر الكريم